Nepali News Portal

आफ्नो बाबा आउने बाटो हेरेर बसिरहे मन्त्री अधिकारिका छोरा

१७ फागुन, पोखरा । पोखरा–५ मालेपाटनको जनप्रिय टोल । त्यही टोलमै हो, जनप्रिय नेता रवीन्द्र अधिकारीको निवास । निवासमा छन्, स्तब्ध आफन्त र शुभचिन्तक ।

रवीन्द्रका बुबा ईन्द्र र आमा लक्ष्मी अधिकारी बिहीबार काठमाडौंबाट फर्किए । उनीहरु फर्किएसँगै आफैंमा पीडावोध गरिरहेका आफन्त–शुभचिन्तक समवेदना दिन जाने–आउने क्रम जारी थियो । एउटा कोठामा विक्षिप्त भएर पल्टिरहेका थिए, बुबा इन्द्र र अर्को कुठामा सुक्कसुक्क गर्दै मन थामिरहेकी थिइन् आमा लक्ष्मी । रवीन्द्रका कान्छा छोरा स्वराज सुस्काइरहेकी हजुरआको गाला चुम्छन्, थमथमाउँछन् र बाहिर बरञ्डामा निस्कन्छन् र बाटोतिर आँखा डुलाउँछन् ।

बाबु गुमाएका १० वर्षीय बालकका अवोध आँखा बाटोदेखि घरका आँगनमा जम्मा भएका मान्छेहरुमा आँखा डुलाउँछन् । उनको मनले सोच्दो हो, ‘पक्कै बुबा पनि त्यही बाटो भएर फर्किँदै हुनुहुन्छ ।’ फेरि दगुर्दै हजुरआमाको स्पर्शमा पुग्छन् र रसाइरहेका आँखा पुछिदिन्छन् । शुक्रबार रवीन्द्रको शव पोखरा ल्याइने भएपछि बुबाआमा, कान्छा छोरा स्वराज र रवीन्द्रका भाइ दीपेन्द्र अघिल्लो दिन बिहीबारै पोखरा आइपुगेपछिको दृश्यले सबैलाई विक्षिप्त बनाउँथ्यो ।

You might also like

Leave A Reply

Your email address will not be published.