बुटवल, मंसिर । आशिष स्टेशनरी एण्ड स्पोट्सले तेस्रो संस्करणको प्रदेशस्तरीय ब्याडमिन्टन प्रतियोगिता गर्ने भएको छ । युनेक्स, सनराइन, ईनास ईन्टरप्राईजेजको सहयोग, आशिष स्टेशनरीको मुख्य प्रायोजक तथा लायन्स क्लब अफ बुटवल स्टारको आयोजनामा यसअघि दुई संस्करण सफलतापुर्वक प्रतियोगिता सम्पन्न भएको आशिष स्टेशनरीका संचालक आयुषकृष्ण श्रेष्ठले बताए ।
ब्याडमिन्टन खेलका युवा खेलाडीहरुलाई प्रोत्साहन गर्ने लक्ष्यसहित तेस्रो संस्करणलाई निरन्तरता दिने गरि पुष २७ र २८ गते हुने उनले बताए । प्रतियोगिता यसपटक मेन्स डबल्स, भेट्रान्स डबल्स गरि दुई विधामा खेल खेलाईने उनले बताए । प्रतियोगिताको मेन्स डबल्सतर्फ प्रथम टिमले नगद ३५ हजार, कप, मेडल, प्रमाणपत्र, द्धितिय टिमले नगद २० हजार, कप, मेडल, प्रमाणपत्र तथा तृतिय टिमले नगद १६ हजार, कप, मेडल, प्रमाणपत्रबाट पुरस्कृत गरिने उनले बताए ।
यसैगरि भेट्रान्सतर्फ उपाधि विजेताले नगद २० हजार, कप, मेडल, प्रमाणपत्र, द्धितिय टिमले नगद १५ हजार, कप, मेडल, प्रमाणपत्र तथा तृतिय टिमले नगद १० हजार, कप, मेडल र प्रमाणपत्रबाट पुरस्कृत गरिने उनले बताए । यसैगरि प्रतियोगितामा उत्कृष्ट प्रदर्शन गर्ने खेलाडीहरुलाई समेत पुरस्कृत गर्ने उनले बताए ।